Zamenhof-Tago 2017

La 16-an de decembro 2017 LEA (Liaoning-provinca Esperanto-Asocio, Ĉinio) okazigis la 158-an Zamenhof-feston en la bela urbeto Fengcheng kune kun Dandong-a Esperanto-Asocio (DEA), Dandong Industria Kompanio de Edukita Junularo[1] (DIKEJ) kaj Instituto de Rapidigaj Fremdlandaj Lingvoj (IRFL) de Orienta Liaoning Universitato. Pli ol 100 personoj el diversaj lokoj de la provinco partoprenis en ĝi (vidu prian foton). Ne mankas eksterlandaj gastoj, ekz. s-ro Sampson Bang el Koreio, prezidanto de Daon Esplora Instituto, kiu ofte partoprenas en Esperanto-aranĝoj de la provinco, kaj Vanessa Chisadza, studentino el Zimbabvo, kiu studas en Orienta Liaoning Universitato. S-ino Li Yanqiu, ĝenerala sekretariino el DEA, prezidis la feston.

Unuafoje dum jardekoj la Tajvana Zamenhof-Festo okazis en Taoyuan, urbo pli proksime al la norda parto de Tajvano. Kutime ĝi okazis en Pingtung, suda urbo, kie estas la plej multo da esperantistoj kaj Esperanto-kursoj. Kaj la kialo de tiu translokiĝo estis unu matematika profesoro, kiu loĝis tie kaj kies laboro por la loka Esperanto-movado kaj eĉ por la ĉinlingva mondo de nia Esperantujo estas giganta kaj valora.
Vidu la fotojn ĉi-tie:
http://www.ipernity.com/doc/rezamenhof/46057534

La fako de literaturo en fremdaj lingvoj de Nacia Biblioteko de Udmurta Respubliko faris :

1. Выставка «Доктор Эсперанто». К 100-летию со дня смерти Лазаря Заменгофа, автора проекта международного языка эсперанто (vidu foton «Выставка 2017»). La ekspozicio funkciis dum periodo 14 – 28 de aprilo 2017. En libro de reeĥoj estas kelkaj bonaj notoj de la vizitintoj.
2. En la paĝaro de la fako estas publikigita artikolo «Доктор Эсперанто» 14.04.2017.